AUTUNNO

MALINCONICO AUTUNNO

De Crescenzo - Rendine

Erano verde...
erano verde 'e ffronne.
E mo, só' comm''e suonne perdute...
e mo, sóngo ricorde 'ngiallute...
Dint'a chest'aria 'e lacreme
'e stó' guardanno...
Cu 'o viento se ne vanno
pe' nun turná maje cchiù...

Malinconico autunno,
staje facenno cadé
tutt''e ffronne d''o munno
sulamente pe' me...
Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...Pecché?...
Malinconico autunno,
staje chiagnenno cu me...
Tutt''e ffronne d''o munno
staje facenno cadé...

Dint'a 'sta villa,
ll'aspetto fin'â sera,
vicino a 'sta ringhiera, penzanno
a 'e ccose ca diceva giuranno...
Mme pare ancora 'e sèntere:
"Si' 'a vita mia...
'Sta vita che sarría
s'io nun tenesse a te!?"

Malinconico autunno,
...................................

Finale:

Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...pecché?...

Malinconico autunno,
a chest'ora addó' sta?...